பெரும் மோசடி - மும்பை விமான நிலையத்தில் கைதான இலங்கைத் தமிழர்
![](https://newsadmin.websiteforallbusiness.com/uploads/mumbai.webp)
போலி கடவுச்சீட்டில் ஐக்கிய இராச்சியத்திற்கு செல்ல முயன்ற இலங்கையர் ஒருவர், சந்தேகத்திற்குரிய ஆட்கடத்தல் ஒப்பந்தத்தின் ஒரு பகுதியாக, மும்பை சர்வதேச விமான நிலையத்தில் தங்களுடைய போர்டிங் பாஸ்களை மாற்றியதற்காக ஜேர்மனியரான தமிழர் ஒருவருடன் கைது செய்யப்பட்டுள்ளார்.
இலங்கையைச் சேர்ந்த ஜெனார்த்தனன் சசானந்தம், 22, மற்றும் ஜேர்மன் பிரஜையான சந்தோஷ் தங்கரத்தினம், 36, ஆகியோர், பாதுகாப்பு சோதனை மற்றும் குடியேற்றத்தை கடந்து, திங்கள்கிழமை விமான நிலைய கழிப்பறையில் முறையே காத்மண்டு மற்றும் லண்டனுக்கான போர்டிங் பாஸ்களை மாற்றிக் கொண்டனர்.
சசானந்தத்தின் போர்டிங் பாஸ் மற்றும் பாஸ்போர்ட்டில் உள்ள முரண்பாடுகளைக் கண்டறிந்த ஒரு விமான ஊழியர் அவர்களின் திட்டத்தை முறியடித்தார். மோசடி, மற்றும் குற்றச் சதி ஆகிய பிரிவுகளின் கீழ் வழக்குப் பதிவு செய்து சஹார் காவல்துறையினரிடம் இருவரும் ஒப்படைக்கப்பட்டனர்.இந்த சம்பவத்துடன் கடத்தல் கும்பல் செயல்பட்டதா என விசாரணை நடத்தி வருகின்றனர்.
போலி பிரிட்டிஷ் பாஸ்போர்ட்டை அவர்கள் எங்கிருந்து பெற்றனர் மற்றும் அவர்கள் எப்படி ஒருவருக்கொருவர் தொடர்பு கொண்டார்கள் என்பதைக் கண்டறிய விசாரணை நடந்து வருகிறது" என்று டிசிபி (மண்டலம் VIII) தீக்ஷித் கெடம் கூறினார்.
சசானந்தம், இங்கிலாந்து சென்று தொழில் செய்ய ஆர்வமாக இருந்ததாக காவல்துறையினர் தெரிவித்தனர். ஏப்ரல் 9ஆம் திகதி சாண்டா குரூஸில் உள்ள ஐந்து நட்சத்திர ஹோட்டலில் இருவரும் சந்தித்தனர். "திட்டமிட்டபடி, சசானந்தம் போலியான பிரிட்டிஷ் பாஸ்போர்ட்டை வைத்திருந்தார் (தங்கரத்தினம் பெயரில்), மற்றும் மும்பை விமான நிலையத்தில் குடியேற்றச் சோதனையை முடித்து, காத்மண்டு செல்ல போர்டிங் பாஸ் பெற்றார்.