செயற்கைக்கோளை ஈரானிலிருந்து ஏவியது ரஷ்யா; உக்ரைன்- இஸ்ரேல் உள்ளிட்ட நாடுகள் அச்சம்!

ரஷ்ய ஜனாதிபதி விளாடிமிர் புடின் மற்றும் ஈரானின் உச்ச தலைவர் அயதுல்லா அலி கமேனி ஆகியோர் மேற்கு நாடுகளுக்கு எதிராக இணைந்து செயற்படுவதாக உறுதியளித்த மூன்று வாரங்களுக்குப் பிறகு, ரஷ்யா தெற்கு கஸகஸ்தானில் இருந்து ஈரானிய செயற்கைக்கோளை சுற்றுப்பாதையில் செலுத்தியது.

11ஆம் நூற்றாண்டின் பாரசீக கவிஞரும் தத்துவஞானியுமான உமர் கயாமின் பெயரிடப்பட்ட ரிமோட் கயாம் உணர்திறன் செயற்கைக்கோள், கஸகஸ்தானில் உள்ள பைகோனூர் காஸ்மோட்ரோமில் இருந்து ரஷ்ய சோயுஸ் ரொக்கெட் மூலம் இன்று (செவ்வாய்க்கிழமை) ஏவப்பட்டு வெற்றிகரமாக சுற்றுப்பாதையில் நுழைந்ததாக ரஷ்யாவின் விண்வெளி நிறுவனம் தெரிவித்துள்ளது.

ஈரானின் விண்வெளி நிறுவனம் செயற்கைக்கோளில் இருந்து அனுப்பப்பட்ட முதல் டெலிமெட்ரி தரவுகளைப் பெற்றுள்ளது என்று அதிகாரப்பூர்வ ஐஆர்என்ஏ செய்தி நிறுவனம் தெரிவித்துள்ளது.

உக்ரைனில் அதன் உளவுத்துறை திறன்களை அதிகரிக்க ரஷ்யாவால் செயற்கைக்கோள் பயன்படுத்தப்படலாம் என்ற கூற்றை ஈரான் நிராகரித்துள்ளது. ஈரானுக்கு முதல் நாளிலிருந்தே அதன் மீது முழுக் கட்டுப்பாடும் செயற்பாடும் இருக்கும் என்று கூறியுள்ளது.

வொஷிங்டன் போஸ்ட் கடந்த வாரம் ரஷ்யாவிற்கும் ஈரானுக்கும் இடையே வளர்ந்து வரும் விண்வெளி ஒத்துழைப்பு குறித்து அமெரிக்க அதிகாரிகள் கவலை கொண்டுள்ளனர், இந்த செயற்கைக்கோள் உக்ரைனில் ரஷ்யாவிற்கு உதவுவது மட்டுமல்லாமல், இஸ்ரேல் மற்றும் பரந்த மத்திய கிழக்கில் சாத்தியமான இராணுவ இலக்குகளை கண்காணிக்க ஈரானுக்கு முன்னோடியில்லாத திறன்களை வழங்கும் என்று அந்த செய்தியில் குறிப்பிடப்பட்டிருந்தது.

ஆனால், கதிர்வீச்சு மற்றும் விவசாய நோக்கங்களுக்காக சுற்றுச்சூழல் கண்காணிப்பு உள்ளிட்ட அறிவியல் ஆராய்ச்சிக்காக இந்த செயற்கைக்கோள் வடிவமைக்கப்பட்டுள்ளதாக ஈரான் கூறுகிறது.

கடந்த பெப்ரவரி 24ஆம் திகதி முதல் ஈரானுடனான உறவை ஆழப்படுத்த ரஷ்யா முயன்று வருகிறது. கடந்த ஜூலை மாதம், புடின் உக்ரைனில் ரஷ்யாவின் இராணுவப் பிரச்சாரம் தொடங்கியதிலிருந்து முன்னாள் சோவியத் யூனியனுக்கு வெளியே தனது முதல் சர்வதேச பயணமாக ஈரானுக்கு விஜயம் செய்தார் என்பது குறிப்பிடத்தக்கது.