சிவப்பு எச்சரிக்கை அபாயத்தில் இலங்கையின் சுகாதார துறை
![](https://newsadmin.websiteforallbusiness.com/uploads/medicine.jpg)
இந்த ஆண்டு இறுதிக்குள் 610 மருத்துவ நிர்வாகிகள், சிறப்பு மருத்துவர்கள் மற்றும் வைத்தியர்கள் ஓய்வு பெற உள்ளனர்.
இதனால் சுகாதாரத்துறையில் பாரிய பிரச்சினை உருவாகும் என அமைச்சு தெரிவித்துள்ளது.
அவர்களில் 15 மூத்த மருத்துவ நிர்வாகிகள், 7 துணை நிர்வாகிகள், 5 துணை இயக்குநர் ஜெனரல்கள் மற்றும் மருத்துவத் துறையுடன் தொடர்புடைய இரண்டு கூடுதல் செயலாளர்கள் உள்ளனர்.
இதில், 250 சிறப்பு வைத்தியர்களும் 340 வைத்தியர்களும் உள்ளடங்குவதாக சுகாதார அமைச்சு வட்டாரங்கள் தெரிவிக்கின்றன.
இந்தக் குழு டிசம்பர் 30 முதல் 31ஆம் திகதிக்குள் ஓய்வு பெறவுள்ளது.
60 வயதுக்கு மேற்பட்ட அரச ஊழியர்களின் ஓய்வுக்கான வர்த்தமானி அறிவித்தல் தற்போது வெளியிடப்பட்டுள்ளது.
தற்போது 750 விசேட வைத்தியர்கள் பற்றாக்குறை நிலவுவதாகவும் குறிப்பிடப்பட்டுள்ளது.
350 வைத்தியர்கள் வெளிநாட்டு பயிற்சிக்காக சென்றுள்ளதாக தெரிவிக்கப்படுகின்றது.
கடந்த டிசம்பரில், 250 வைத்தியர்கள் தங்கள் பயிற்சியை முடித்துக்கொண்டு நாடு திரும்பியுள்ளனர்.
அவர்களில் சுமார் 120 பேர் இலங்கைக்கு வந்து பணியாளர் தேவைகளை பூர்த்தி செய்துவிட்டு மீண்டும் வெளிநாடு சென்றுள்ளனர்.
இதன்படி, தற்போதுள்ள விசேட வைத்தியர் வெற்றிடங்களை நிரப்புவது சாத்தியமில்லை என வைத்திய நிபுணர்கள் சுட்டிக்காட்டுகின்றனர்.
அடுத்த ஆண்டுக்குள், சிறப்பு மருத்துவர்களின் பணியிடங்கள் 1000ஐ தாண்டும் எனவும் கணிக்கப்பட்டுள்ளது.
எவ்வாறாயினும், 60 வயதுக்கு மேற்பட்ட சுமார் 50 விசேட வைத்தியர்கள் தற்காலிக ஒப்பந்த அடிப்படையில் தொடர்ந்தும் பணியாற்ற வேண்டுமென சுகாதார அமைச்சு நிதியமைச்சகத்திற்கு யோசனையொன்றை முன்வைத்துள்ளது.